Estella-Lizarrako Udalak aho batez onartu zuen atzoko osoko bilkura arruntean laneko sexu jazarpenaren eta sexuagatiko jazarpenaren aurkako II. protokoloa, Berdintasun Arloak sustatua.
Sexu-jazarpena eta sexuagatiko jazarpena dira genero-bereizkeriaren bi egoera suntsitzailetakoak, eta, aldi berean, funtsezko beste eskubide batzuk nabarmen urratzen dituzte, hala nola duintasuna, berdintasuna, osotasun fisikoa eta morala, sexu-askatasuna eta lanerako eskubidea eta laneko segurtasun eta osasunerako eskubidea.
Gainera, botere-harremanen adierazpenak dira, tradizioz pertsonei beren sexuaren arabera esleitu izan zaizkien rolekin zerikusia dutenak eta emakumeei gehien eragiten dietenak.
Horregatik guztiagatik, dokumentuak jasotzen duen bezala, prebenitu eta saihestu beharreko portaerak dira, eta, gertatzen direnean, geldiarazi eta, hala badagokio, zehatu egin behar dira, biktimen osasunerako ondorio kaltegarririk gerta ez dadin.
Protokolo hau Lizarrako Udalean lan egiten duen pertsona orori aplikatuko zaio, bekadunak, prestakuntza-kontratuak, ETTSen bidez kontratatutako langileak eta kontrata edo azpikontratei atxikitako langileak barne.
Lotura honetan kontsulta daiteke protokoloa:
LANEKO SEXU-JAZARPENAREN ETA SEXUAN OINARRITUTAKO JAZARPENAREN AURKAKO PROTOKOLOA
Azken asteetan prebentzio- eta koordinazio-ekintzak egin dira, bai eta hainbat baliabide eta euskarritan prestakuntza eta zabaltzeko ekintzak ere
Eguerdian, Udalaren osoko bilkuren aretoan, Emakumeen aurkako indarkeriaren aurrean Lizarran Jarduteko Koordinaziorako I. Toki Protokoloaren sinadura ofiziala egin da. Protoko...
Datorren ostegun honetan, ekainaren 30ean, Kattanlingune Nafarroako Gobernuko LGTBI+ pertsonei laguntzeko eta aholku emateko zerbitzua aurkeztuko da Kultur Etxean, 18:00etan. ...
